خدام معليا مابيا حتى عيطت ليا فتيليفون جوبتها ياك لابس! قالت ليا قوليا شنو عاجبك فيا 🤔...!! قلت ليها حبيبة راني فالخدمة نسالي نعيط ليك . قالت ليا واااالو قول ليا شنو عاجبك فيا 🙄 ... قلت ليها واش حنا دبا ف العجيب راني خدام أبنت العبد نسالي ونهضرو .
وهي تشعل😤 هاااا هية دبا الخدمة حسن مني ياك ولا ماعجبك فيا والو دوي !! شوف داااابا غادي تقوليا اش عاجبك فيا ..
قلت فخاطري نهار كحل هادا .. دبا هادي اش بغات!! عارفني خدام والخدمة ممنوع فيها الهضرة فتليفون وهي دبا جايا كتفشش عليا واش هادي حماقت ... بردت راسي شوي وعاودت قلت ليها كبيدة ديالي هانتي أنا دبا خدام ياكي ونا خدام فنفس الوقت غادي نفكر فداكشي اللي كيعجبني فيك وغير نسالي غادي نعيط الحبيبة ديالي و نقولو ليك صافي اكبيدة !!
وهي تجوبني دبا واش بنت ليك كنرضع صبعي ولا شنو يصحب ليك غادي ضحك عليا بهاد جوج كلمات ديالك .. وقول ليا اش عجبك فيا اولد ناس ...!!
صافي انا صخطت😡 أو!! بزاااف!! على صبر .. قلت ليها شوفي داك تبىرهيش ديالك طلع ليا فراسي ونا اصلا حمق الي داير فيك راسي ....😤
سكتات قلت فخاطري صافي غادي تكون فهمات رسها بلي عيقات عليا🙄 .. شوية وهي تبدا تبكي😭 وقلت ليا ملي انا برهوشة وحمقة شنو اللي عاجبك فيا وعلاش كتبغيني ونا و محاملانيش ... صافي انا نخليك تخدم سمح ليا ... وهي تقطع 😠
دبا انا كنت جالس في أمان الله وحفظه زوين بخير و كنت انا ويها سمن على عسل حتى وقعت هاد الواقعة ...تعصبت قلت ينعلبو هاد الحب وهاد زمر كامل🤬 صافي هاد العلاقة غادي نسالي بوها ݣاع وبقيت داك صباح كامل ونا غي كنسب فيها وفالخدمة وتنݣول علامن صبحت هاد نهار إلخ...🤬
واحد ساعة ونا نعل شيطان وقلت هي صراحة مامولفاش دير ليا هكا 🤔 هو صراحة بيني وبينكم مانعلت لا شيطان لا والو غير معجبنيش لحال نخاليها باكية و صافي😕 ونا نعيط ليها .. مع قلت ألو ... قالت ليا ياك نت خدام وداكشي علاش برزطتي راسك وعيطتي ليا .... 😧 ونا نسكووووت واحد المدة صراحة وسهيت وتفكرت بلي حتى انا فاش ماكنت كندير والو وغير ݣالس وكنسمع نݣير من دار ولا ماتنكونش حامل راسي كندير بحال هاكدا ... بقيت ساهي صراحة فبزااف ديال الحجات😔 حتا سمعتها كتقول متديش عليا والله ماعرفت مالي ملي فقت ونا كنبكي ومحملاش راسي وتغاوت انا وماما ومريضة 😣 غير سمحلي اعمري ... 💔
انا بديت غير كنساوي معها قلت غير شي كلمات قلال داكشي ديال ماديريش فالك وكدا حيت مول شي كان كيشوف 👀 فيا وقطعت معها .. وغير قطعت معها وهو جا عندي وقال ليا ياك لاباس اولدي شفتك ماشي هو هداك !!
قلت ليه والو غير واحد ختي عيانة و الواليدة معرفتش شنو دير ليها ونا بقيت مبرزط معها 😅😅 ... قال ليا راه شفتك من صباح ونت ماشي هو هداك خاصك اولدي تمشي تشوفها وان شاء الله ماغدي يكون عندها باس 🙏🏻
غير أنا خرجت من باب الخدمة عيطت ليها مع جوبتني قلت ليها اجي نتي بعدا شنو كيعجبك فيا انا العالم كلو ماحملنيش ونتي زعما كتبغيني شي حاجة تما دوي ... ونا نسمعها بتسمت وسكتات 😀وقلت ليا كنبغيك♥️ .. وعمري سير قابل خدامت لا تصدق متشرد ههههه قلت ليها والو ماغديش نتفاك حتى نعرف شنو عاجبك فيا .. 😅
لمهم بقينا شي نص ساعة وحنا كنهضرو وكنضحكو ... وسالينها بالله يخليك ليا وكنموت عليك وداكشي زوين هههههه 😂ورجعت الخدمة وشافني مول شي قال ليا علاش رجعتي قلت ليه صافي راها ولات مزيان الحمدلله😁
تعجب فيا وحسيت به عجبو الحال حيت رجعت نخدم وطبطب ليا على كتافي وبقا نهار كامل وهو كيشكر فيا👍 وهيا نهار كامل كتصيفط ليا الميساجات💌 زوينين حيت خليت خدميتي اللي مالقيتها على بزز على قبل باش نقاد ليها المورال ديالها♥️ ...المهم داك نهار تقلب عندي والفرحة مافرقتنيش وخا انا مادرتش شي حاجة ولكن داكشي اللي درت كان المفعول ديالو كبير عليها وعليا وعلى خدمتي 😍
بلا منقول ليكم الخلاصة ولكن لي غادي نقول ليكم هو بزاف ديال العلاقات كيسالوي على شي حاجة تافهة بزااف ولا كتبان انها تافهة ردو البال ومتصرعوش حيت اللي كيبان ليك نت تافه يقدر يكون مهم بنسبة الانسان اللي معاك ( خصوصا البنات الله ينجيك من تفاهتهم ههههههه😂
الكاتبً
اكتب هنا معلومات الكاتب
1 comments:
commentsروعة
رد